ar sffuglan imaziɣn ɣ wass n 13 innayr, s ixf n usggʷas amaziɣ lli igan ass izwarn ɣ wayyur zwarn n usggʷas amaynu ilkmn ɣilad 2969 n usggʷas.
ixf n usggʷas amaziɣ ittawssan s yiḍ n innayr ɣ dar imaziɣn akkʷ n ugafa n tfriqt, ig usffuglu n iḍ n innayr yat tmyurt tazaykut, myarn imaziɣn ad sis sffuglan zɣ kigan n tasutin lli izrin.
asffuglu ad iṭṭf kigan n tmatarin ɣ tussna n tmaziɣt, tili dars tazdayt d wakal n tmazɣa. iklli yad lli ittawssann, tamagit tamaziɣt tbdd f kṛaḍ isutar, akal, afgan, awal. ig wakal amaziɣ taɣawsa lli d dar addur dar ufgan amaziɣ, lliɣ iga nttan a issmɣin taɣrma n umaziɣ, tddr sul gis ar ɣilad tmmaɣ f iman nns tcbbr ɣ tudrt.
ittawssan iḍ n innayr s wass izwarn ɣ usggʷas n tayrza. gnt tugtt n middn f ɣikan lliɣ yad sul ur ssnn middn aẓuṛ nns g umzruy, macc tidtt tamzruyt tɣama sul, ttyuran fllas kigan n tmrzutin, sawln fllas bahra inɣmisn d iwin inagan izaykutn n umzruy.
- aẓuṛ n iḍ n innayr g umzruy :
nnan imrzutn mas ilkm usggʷas amaziɣ 2969 n usggʷas, macc iẓḍaṛ a ig uggar n unckk ad, d ira ig azayku s kigan, acku taɣrma tamaziɣt tlla uggar n umzruy ad.
sawln imrzutn mas issfal usggʷas amaziɣ zɣ yat tmsart tamzruyt, iklli bdrn idlisn n umzruy. issfal usggʷas amaziɣ zɣ uzmz lliɣ ilkm ugllid amaziɣ ‘cicng’ amzwaru, ig agllid f tɣrma n miẓṛan, ig ugllid ad amaziɣ agllid n iqibṭin, ɣ usggʷas n 950 urta tlli tlalit.
zɣ tizi ann ssfaln t tffugliwin n iḍ n innayr. lliɣ inra ugllid amaziɣ cicng agllid n miẓṛan tazaykut, g imnɣi illan ngr imaziɣn ilibin d miẓṛan. issfal tizi ann uzmz n tumrt, ddrn t tmizar s snat ɣ ddaw n tflst n yat tnbaḍt, bddn imnɣan s tt inn ikkan llan gratsn.
imsasa wass n trnnawt ann n ugllid amaziɣ cicng d 12 innayr n usggʷas aṛumi.
- yirn n usggʷas amaziɣ ɣ mnid yirn n usggʷas aṛumi :
|
ⴰⵢⵢⵓⵔ ⴰⵎⴰⵣⵉⵖ |
ⴰⵢⵢⵓⵔ ⴰⵕⵓⵎⵉ |
|
ⵢⴰⵏⵢⵓⵔ |
ⵉⵏⵏⴰⵢⵔ |
|
ⵙⵉⵏⵢⵓⵔ |
ⵉⴱⵕⴰⵢⵔ |
|
ⴽⵔⴰⵢⵓⵔ |
ⵎⴰⵕⵚ |
|
ⴽⵓⵥⵢⵓⵔ |
ⵉⴱⵔⵉⵔ |
|
ⵙⵉⵎⵢⵓⵔ |
ⵎⴰⵢ |
|
ⵙⵉⴷⵢⵓⵔ |
ⵢⵓⵏⵢⵓ |
|
ⵙⴰⵢⵓⵔ / ⵉⵣⵉⵖ |
ⵢⵓⵍⵢⵓⵣ |
|
ⵜⴰⵎⵢⵓⵔ |
ⵖⵓⵛⵜ |
|
ⵜⵥⴰⵢⵓⵔ |
ⵛⵓⵜⴰⵏⴱⵉⵔ |
|
ⵎⵔⴰⵢⵓⵔ |
ⴽⵜⵓⴱⵕ |
|
ⵢⵉⵎⵔⴰⵢⵓⵔ |
ⵏⵡⴰⵏⴱⵉⵔ |
|
ⵎⵉⴳⴳⵢⵓⵔ |
ⴷⵓⵊⴰⵎⴱⵉⵔ |
- yirn n usggʷas amaziɣ ɣ dar ttwarg, mnid n yirn n usggʷas aɛṛab :
|
ⴰⵢⵢⵓⵔ ⴰⵎⴰⵣⵉⵖ ⴰⵜⴰⵔⴳⵉ
|
ⴰⵢⵢⵓⵔ ⴰⵄⵕⴰⴱ |
|
ⵜⴰⵎⵉⵙⵙⵉⴷⵇ / ⵜⵉⵏ ⴷⵓⴼⴰⵏ |
محرم |
|
ⵜⴰⵍⵍⵉⵜ ⵙⵉⵟⵟⴼⵜ |
صفر |
|
ⵜⴰⵍⵍⵉⵜ ⵉⵔⵖⵉⵜ |
ربيع
الأول |
|
ⴰⵡⵀⵉⵎ ⵡⴰ ⵉⵣⵣⴰⵔⵏ |
ربيع
الثاني |
|
ⴰⵡⵀⵉⵎ ⵡⴰ ⵉⵍⴽⴰⵎⵏ |
جمادى
الأولى |
|
ⵙⴰⵔⴰⵜ |
جمادى
الثاني |
|
ⵜⵉⵏⴰⵎⵖⴰⵔⵉⵏ |
رجب |
|
ⴰⵎⵉⵣⵣⵉⵀⵍ |
شعبان |
|
ⵜⵉⵏ ⵓⵥⵓⵎ |
رمضان |
|
ⵜⵉⵙⵙⵉ |
شوال |
|
ⵜⴰⵏ ⴳⵔ ⵎⴰⴷⴷⵏ |
ذو
القعدة |
|
ⵜⴰⴼⴰⵙⴽⵉ |
ذو الحجة |
- yirn n usggʷas amaziɣ, urt tlli tlalit, urta llin iṛumin, d lliɣ urta tlli tmuslmt, sul llan ɣ ils n umaziɣ a targi :
|
ⵜⴰⵢⵢⵓⵔⵜ ⵜⴰⵣⵡⴰⵔⵜ |
ⵉⵏⵏⴰⵢⵔ |
|
ⵜⴰⵢⵢⵓⵔⵜ ⵜⴰⴳⴳⵯⵔⴰⵜ |
ⵉⴱⵕⴰⵢⵔ |
|
ⵢⴰⵔⴷⵓⵜ |
ⵎⴰⵕⵚ |
|
ⵙⵉⵏⵡⴰ |
ⵉⴱⵔⵉⵔ |
|
ⵜⴰⵙⵔⴰ ⵜⴰⵣⵡⴰⵔⵜ |
ⵎⴰⵢ |
|
ⵜⴰⵙⵔⴰ ⵜⴰⴳⴳⵯⵔⴰⵜ |
ⵢⵓⵏⵢⵓ |
|
ⴰⵡⴷⴰⵢⵉⵖⵉⵜ
ⵉⵣⵡⴰⵔⵏ |
ⵢⵓⵍⵢⵓⵣ |
|
ⴰⵡⴷⴰⵢⵉⵖⵉⵜ
ⵉⴳⴳⵯⵔⴰⵏ |
ⵖⵓⵛⵜ |
|
ⴰⵡⵣⵉⵎⵜ ⵉⵣⵡⴰⵔⵏ |
ⵛⵓⵜⴰⵎⴱⵔ |
|
ⴰⵡⵣⵉⵎⵜ ⵉⴳⴳⵯⵔⴰⵏ |
ⴽⵜⵓⴱⵕ |
|
ⴰⵢⵙⵉ |
ⵏⵡⴰⵏⴱⵔ |
|
ⵏⵉⵎ |
ⴷⵓⵊⴰⵎⴱⵔ |
- taɣarast lli sa sffuglan imaziɣn ass n iḍ n innayr, ɣ tsga n tqbilt n ilbnsirn, g tmurt n lmṛṛuk.
ɣ tadggʷat yiḍ n innayr, ar ssnwant tawjiwin tagʷlla n usngar, ccn tt tawja sun dis aɣɣu. gawrn ar smurign izlan, bḍun tarzzifin gr asn ( tazart ikrmn, d awzarn n tknarit iqquṛn, d taqqayin n ttswik d lluz, awd lfakit yaḍn d tamimt ).
ɣ dar tuffut n wass n iḍ innayr, ar ssnwan middn zaykuk, tili fllas txsayt, gn f iggi nns takka n sskʷaṛ ikkʷmn ɣ tfrdut, ccn middn sun.
ɣ dar tazzwit ffɣn middn, s usays n udwwaṛ, ad ddun ad urarn turart n krmaɛw ) ( كرمعوش, bḍun middn f snat trubba, tifrxin ifrax d irgazn awd timɣarin, biksn s izakarn, ar tlddi trabbut tayyaḍ, tanna izwarn is tḍṛ tḍfaṛ as trabbut lli inran, tarnnawt n wass ann.
amara : muḥmmad lmsɛudi